La gronda part dals meds da promoziun ha il FSC investì enfin uss en ils chantuns da muntogna: en il Tessin (396 contribuziuns, en total CHF 24 miu.), en il Grischun (263 contribuziuns, en total CHF 17,5 miu.) ed en il Vallais (263 contribuziuns, en total CHF 15 miu.). Quai è d'attribuir a la ritgezza da las cuntradas culturalas natiralas ch'èn anc avant maun ed a las stentas da mantegnair quellas. La summa concedida dal FSC a quests chantuns (ca. 37,4 % dals meds impundids) stat en proporziun cun lur gronda surfatscha (ca. 38,8 %). En cumparegliaziun cun lur grondezza surpassan las contribuziuns dal FSC als chantuns da Son Gagl, Giura, Turgovia, Basilea Champagna, Sviz, Schaffusa e Genevra – sco er al Tessin – plitost levet la media. Quai mussa ch'i dat er en ils territoris da la Svizra Bassa e da l'artg dal Giura bleras stentas per mantegnair las cuntradas culturalas natiralas che meritan da vegnir sustegnidas dal FSC.
Enavos a "Diesch buns motivs per mantegnair il FSC"