| DE | FR | IT | RU |
| Purtret | Projects |
Fonds Landschaft Schweiz (FLS)Fonds Suisse pour le Paysage (FSP)Fondo Svizzero per il Paesaggio (FSP)Fond Svizzer per la Cuntrada (FSC) | Il FSC en paucs pleds |
| Stuppar las foras |
| Soluziuns alternativas |
| Dar agid da partenza |
200 contribuziuns per cuntradas grischunas
Ils responsabels dal Fond Svizzer per la Cuntrada FSC visita il Grischun
Il Fond Svizzer per la Cuntrada, ch'è vegnì fundà en occasiun da la festa per il giubileum da 700 onns Confederaziun, ha investì en il chantun Grischun var CHF 16 miu. Cun quels daners ha el sustegnì 200 projects per la tgira e la revalitaziun da cuntradas cultivadas en accord cun la natira. Per pudair visitar intginas da quellas ha la direcziun dal FSC organisà sia dieta annuala il 2012 en il Surses e l'Engiadina. Ella ha surtut sa laschà infurmar davart las lavurs actualas en favur da l'embelliment da la cuntrada da palì sin l'Alp Flex e davart la revitalisaziun da las regiuns umidas da l'En sper Bever.
Communicaziun a las medias (PDF, 122 KB)
Il FSC en paucs pleds
Fundaziun
Il Fond Svizzer per la Cuntrada FSC è vegnì fundà il 1991 a chaschun dal 700avel anniversari da la Confederaziun ed è vegnì dotà cun 50 milliuns francs. La finamira era da crear insatge da valur durabla a favur d’ina gronda part da la populaziun e damai da las proximas generaziuns. Il conclus federal davart ils agids finanzials è entrà en vigur il 1. d’avust 1991 ed era l’emprim limità enfin ils 31 da fanadur 2001. Ils 23 da settember 1999 ha il parlament approvà ina prolungaziun dal conclus federal enfin ils 31 da fanadur 2011. Il fond è vegnì dotà danovamain cun 50 milliuns francs. Ils 18 da zercladur 2010 ha il parlament approvą ina segunda prolungaziun per diesch onns fin la mesadad dal 2021, sco er ulteriurs 50 milliuns francs.Moda d’agir
Scumonds e cumonds legals na tanschan betg per garantir la tgira da la cuntrada cultivada.Il FSC dat impuls finanzials per mesiras voluntaras a favur dal mantegniment e da la restauraziun da cuntradas e da monuments natirals e culturals. Quest princip promova la prontezza d’organisaziuns localas e regiunalas da daventar sezzas activas. El sustegna effects da sinergia en ils secturs da l’agricultura, dal turissem, da la construcziun e da l’artisanadi tradiziunal. Cun sias contribuziuns finanzialas presta il FSC in agid economic regiunal apprezià ed effizient per crear lavur en regiuns economicamain disfavurisadas. Ils agids han in effect da multiplicaziun ed intimeschan savens investiders da s’engaschar bler dapli en questas regiuns. Blers projects han ina funcziun da model ed animeschan era auters da realisar in project.
 |  |  | |  |
Champ d’activitad
Il FSC sustegna projects che cumpiglian las suandantas mesiras per mantegnair la diversitad biologica e structurala da la cuntrada:| • | | Gestiun e tgira adequata da cuntradas cultivadas che stattan en accord cun la natira. | | |
| • | | Restauraziun da spazis vitals natirals | | |
| • | | Renovaziun e reconstrucziun miaivla d’elements caracteristics da la cuntrada sco per exempel mirs sitgs, tetgs da schlondas, etc. | | |
| • | | Revitalisaziun da curtins da pumera, saivs vivas, aleas ed urs da guauds | | |
| • | | Renaturalisaziun d’auas chanalisadas u cuvertas | | |
| • | | Renovaziun da vitgs e conturns tenor princips ecologics | |
Il FSC po era sustegnair finanzialmain mesiras per infurmar e sensibilisar davart la necessitad da mantegnair e tgirar las cuntradas cultivadas, sch’ellas stattan en connex cun in project integral sustegnì dal FSC. In project integral cumpiglia tut ils elements impurtants da la cuntrada e da la regiun pertutgada ed era mesiras concretas da revalitaziun a favur da la natira e da la cuntrada.
Sustegn finanzial
Dumondas da subvenziun pon vegnir fatgas al FSC da privats u d’organs publics. Ils responsabels duain avair in’idea clera dal project. La realisaziun da quel sto esser segirada. Il dossier sto cuntegnair ina survista dals custs ed in plan da finanziaziun. Ils suandants criteris èn impurtants per la valitaziun dal project:| • | | Effects sin la cuntrada, mesiras concretas Ils projects duain avair en mira sco resultat direct ina realisaziun vesaivla cun mesiras concretas sin il terren. |
| |
| • | | Duraivladad Soluziuns duraivlas vegnan preferidas a mesiras a curt termin. |
| |
| • | | Engaschament
e motivaziun Dals responsabels dal project vegn spetgà atgnas prestaziuns idealas u materialas. | | |
| • | | Integraziun
da la populaziun La populaziun locala duai parter la responsabladad per il project, nun ch’il project sez haja l’intenziun da motivar ed encuraschar la populaziun da sa participar. | |
Actualisą ils 26 da settember 2012© Fond Svizzer per la Cuntrada
E-Mail: info@fls-fsp.chImpressum top |